Som del av oppfølginga av innskrivinga av Vestnorsk Fjordlandskap på UNESCO si liste over verdsarven vart Verdsarvrådet for Vestnorsk fjordlandskap formelt nedsett 31. januar 2006.

Verdsarvrådet har som oppgåve å bidra til ei utvikling i områda som er i tråd med intensjonen for verdsarv. Rådet skal bidra til naudsynt samarbeid og informasjonsutveksling mellom lokale, regional og nasjonale aktørar i dei to delområda. Rådet har som intensjon å være ein viktig arena for diskusjon, rådgjeving og avklaring i saker som kan ha betydning for oppfylging av verdsarvstatusen som tildelt Geirangerfjord- og Nærøyfjordområdet i fellesskap. Medlemmar av rådet er alle ordførarane i vertskommunane Stranda, Norddal, Aurland, Lærdal, Vik og Voss, vidare er fylkesdirektør og fylkesordførar i M&R fylke, samt fylkesmennene og fylkesordførarane i S&F og Hordaland representert. Statsparten representert ved Miljøverndepartementet (1 repr.), Direktoratet for naturforvaltning (1 repr.) og Riksantikvaren (1 repr.) har tale, men ikkje stemmerett i Verdsarvrådet.